Të shtëna me armë në Prishtinë- arrestohen pesë persona, sekuestrohen dy armë zjarri

Policia ka njoftuar se janë arrestuar pesë persona në Rrugën e Gjilanit, në Prishtinë.

Ata dyshohet se janë përfshirë në një rast të shtënave me armë zjarri.

Policia ka sekuestruar dy armë zjarri.

“Zyrtarë policorë nga Stacioni Jugu dhe nga Sektori i Hetimeve të Kryeqytetit kanë dalë në vendin e ngjarjes, ku si rezultat i veprimeve të shpejta operacionale kanë arrestuar katër persona të dyshuar dhe kanë sekuestruar armët e përdorura në këtë rast. Pas veprimeve të mëtejme hetimore, Policia ka arritur të identifikojë dhe arrestojë edhe personin e pestë të dyshuar, nga i cili është sekuestruar një armë zjarri.”

Të dyshuarit janë dërguar në mbajtje për 48 orë.

“Personat e dyshuar, pas intervistimit dhe në koordinim me Prokurorin e Shtetit, janë dërguar në mbajtje për 48 orë, për veprat penale: “Përdorim i armës apo mjetit të rrezikshëm”, “Mbajtje në pronësi, kontroll ose posedim i paautorizuar i armëve” dhe “Posedim i paautorizuar i narkotikëve”.”