Deputeti i Aleancës për Ardhmërinë e Kosovës (AAK), Besnik Tahiri, ka deklaruar se nuk do të lejojnë që posti i Presidentit të Kosovës të merret nga Lëvizja Vetëvendosje pa një marrëveshje konsensuale politike.
Tahiri tha se Presidenti duhet të jetë figurë që përfaqëson unitetin e vendit dhe jo interesat e një partie politike.
“Presidentin nuk do ta marrë pa pasur një pozicion konsensual, pa marrë parasysh kush çfarë pozicioni ka, për shkak se ajo është një figurë që duhet të reflektojë unitetin dhe jo partinë. Ne do të punojmë që të pengojmë kthimin e Republikës së Kosovës në parti-shtet”, tha Tahiri.
