Sylë Balaj i bashkohet listës së LDK-së në Deçan

Lidhja Demokratike e Kosovës në Deçan, e udhëhequr nga kandidati për kryetar Jeton Mushkolaj, ka zyrtarizuar Sylë Balajn si pjesë të listës zgjedhore për Kuvendin Komunal.

Jeton Mushkolaj tha se LDK po fuqizon ekipin me figura që i përfaqësojnë vlerat themelore të partisë, besimin, punën dhe shërbimin ndaj qytetarëve, dhe Sylë Balaj është mishërim i këtyre vlerave.

“LDK në Deçan po ofron jo vetëm emra, por zgjidhje të vërteta – njerëz që punojnë dhe nuk premtim pa mbulesë. Sylë Balaj ka qenë gjithmonë pranë komunitetit të tij, dhe tani, me ne, është gati të bëjë edhe më shumë për qytetarët e Deçanit”, tha Mushkolaj.

Postimi i plotë:

Sylë Balaj – pjesë e listës sonë për fitore dhe ndryshim!

Sylë Balaj vjen nga vendi i bujarisë dhe traditës, Isniqi i kullave e njerëzve të besës. Ai kthehet për të konfirmuar besimin tuaj, pas një pune dhe përkushtimi ndaj komunitetit, e zërit që ju dha problemeve që ballafaqohemi çdo ditë.

Sylë Balaj është një profesionist i dëshmuar në fushën e stomatologjisë. Ai para fjalës ka punën, para se të presë ai vepron. Një person i rrallë, që dëgjon dhe ndjen hallet e banorëve. Këtë e ka dëshmuar me vullnetin e hekurt dhe përkushtimin e pashoq për punët që i prekin komunitetin.

Ai nuk i sheh problemet nga lart, merret direkt me to, ka kujdesin për çdo problem. Për të, zhvillimi i një qyteti nuk ndodh nga fjalët e mëdha, por nga veprimet e vogla. Ashtu siç ju i përballeni me to në çdo lagje e fshat të Deçanit.

Me Sylën në krah, ne do të kemi një shtyllë të fortë në rrugëtimin tonë për një Deçan që u përket të gjithëve dhe që u shërben të gjithëve. Ai është mishërimi i ndryshimit të vërtetë që i duhet Deçanit – njeri i punës, me vlera dhe vizion.

Këtu, Sylë Balaj bën dallimin. Për këtë, kërkojmë bashkë besimin për ta sjellë ndryshimin.

#NdryshimineBejmëBashkë✌️🤝