Studentët shqiptarë në Maqedoninë e Veriut kanë paralajmëruar rikthimin e protestave nëse Qeveria e Hristijan Mickoskit nuk mundëson zhvillimin e plotë të provimit të jurisprudencës në gjuhën shqipe.
Përfaqësuesi i studentëve, Mevlan Ademi, ka bërë të ditur se javën e ardhshme do të mblidhet grupi organizativ për të vendosur hapat e mëtejshëm.
“Protesta mbetet opsion”, ka deklaruar Ademi, duke theksuar se fillimisht do të shqyrtojnë mundësinë e një takimi të fundit me institucionet.
Studentët kundërshtojnë vendimin e Qeverisë për t’ia dërguar çështjen Komisionit të Venecias, duke e konsideruar këtë veprim si përpjekje për zvarritjen e zgjidhjes.
Ata kundërshtojnë edhe propozimin e Mickoskit, sipas të cilit pjesa teorike e provimit mund të zhvillohet në disa gjuhë, përfshirë shqipen, ndërsa pjesa praktike vetëm në maqedonisht.
Rreth 400 studentë shqiptarë nga tri universitete kanë nënshkruar një peticion për mbajtjen e provimit të jurisprudencës në shqip.
Për këtë çështje, studentët kanë organizuar deri më tani dy protesta
