Ish-ministrja e Jashtme e Shqipërisë, Elisa Spiropali, i ka drejtuar një letër publike kryeministrit Edi Rama, në të cilën kërkon ndryshime politike dhe institucionale, duke e paralajmëruar se shumica parlamentare nuk mund ta zëvendësojë besimin e qytetarëve.
Në letrën e saj, Spiropali i kërkon Ramës ta shohë protestën jo vetëm si një kërcënim për pushtetin, por si një mesazh politik dhe një shenjë të pakënaqësisë së qytetarëve, të cilët, sipas saj, ndihen të padëgjuar dhe të papërfaqësuar.
Ajo e lidh përshkallëzimin e situatës në Tiranë me pakënaqësitë e akumuluara, duke përmendur edhe vendosjen e kangjellave, të cilat, sipas saj, u shndërruan në simbol të distancës mes pushtetit dhe qytetarëve.
