Sot varroset 22 vjeçari që vdiq në aksident trafiku

Një aksident i rëndë trafiku i ndodhur më 5 prill në Podujevë ka përfunduar tragjikisht, pasi një 22-vjeçar nuk ka arritur t’u mbijetojë plagëve të marra

Viktima është Meriton Koprani nga Prishtina, i cili ka ndërruar jetë mbrëmë rreth orës 20:00, pas disa ditësh trajtimi në Qendrën Klinike Universitare të Kosovës (QKUK).

Nga familja u bë e ditur se i ndjeri do të varroset sot.

Njoftimi i plotë:

Me dhimbje e pikëllim të thellë, njoftojmë miqtë dhe familjarët se pas një aksidenti, ndërroi jetë kushëriri jonë, Meriton Koprani.

Meritoni ka qenë djalë punëtor e i sjellshëm me të gjithë ata që e njihnin. Mungesa e tij me të vërtetë lë zbrazëti të madhe për familjen.

Të pastë shpirti dritë Kusho!