Sot i jepet lamtumira e fundit Halim Sopajt, iu gjetën mbetje mortore në Malishevë pas disa muajve i zhdukur

Pas disa muajsh i shpallur i zhdukur në Malishevë , Policia e Kosovës njoftoi se janë gjetur mbetjet mortore të Halim Sopaj.

Pas përfundimit të ekzaminimeve në Institutin e Mjekësisë Ligjore (IML), familja ka njoftuar për ceremoninë e varrimit.

Sopaj do të përcjellet sot në ora 16:00 në varrezat e fshatit Janqishtë, lagjja Sopaj.

I njëjti u gjet në një zonë malore pranë fshatit Shkozë të Malishevës, pasi ishte zhdukur që nga 5 tetori 2025.