Skandaloze: Nxënëses nga Podujeva i refuzohet piktura për shkak të prezencës së portretit të ish-presidentit Hashim Thaçi

Gazetari Arsim Lani përmes një postimi në Facebook ka treguar se si portreti i një nxënësje, ku ka pikturuar figura të njohura e në mesin e tyre edhe portretin e ish-presidentit Hashim Thaçi nuk u pranua të jetë pjesë e ekspozitës së shkollës, për nder të festës së pavarësisë së Kosovës, shkruan GazetaDemos.

Lani ceku se arsyeja ishte pikërisht prezenca e portretit të Hashim Thaçit, ndërsa piktura ishte bërë nga një nxënëse e klasës së nëntë të shkollës “Musli Dumoshi” në Podujevë.

“Dhe ne çuditemi pse kryeprokurorja e speciales kërkon 45 vjet burg për Thaçin dhe shokët e tij”, shtoi ai.

Tkesa shtoi se pikturen ia dërgoi babai i kësaj nxënësje, i cili është invalid i UÇK-së.

Postimi i plotë:

E TURPSHME

Kjo pikturë e një nxënëseje të klasës së nëntë të shkollës “Musli Dumoshi” në Podujevë nuk është pranuar të jetë pjesë e ekspozitës së shkollës, për nder të festës së pavarësisë së Kosovës.

Arsyeja është prezenca e portretit të Hashim Thaçit në këtë vepër arti.

Dhe ne çuditemi pse kryeprokurorja e speciales kërkon 45 vjet burg për Thaçin dhe shokët e tij.

P. S

Pikturën ma dërgoi babai i vajzës, një invalid i luftës së UÇK-së.