Skandali me rezervat shtetërore: Rozeta Hajdari për dallim nga hera e kaluar, sot vjen në Gjykatë

Për dallim nga hera e kaluar ku mungoi në sallë, ministrja në detyrë e Industrisë, Ndërmarrësisë dhe Tregtisë, Rozeta Hajdari është paraqitur në Gjykatë, aty ku pas pak pritet të fillojë seanca e shqyrtimit fillestar lidhur me skandalin e rezervës shtetërore.

Seanca do të mbahet me fillim nga ora 09:30.

Shqyrtimi fillestar ishte caktuar njëherë për 10 dhjetor, por që kishte dështuar meqë Hajdari nuk ishte paraqitur në gjykatë.

Prokuroria Speciale ka ngritur aktakuzë më 11 nëntor ndaj Ministres Rozeta Hajdari, Irfan Lipovicës, Hafiz Garës dhe Ridvan Muharremit, lidhur me skandalin e rezervës shtetërore.

Tre të parët akuzohen për “Keqpërdorimi i pozitës apo autoritetit zyrtar” dhe “Zbulimi i fshehtësisë zyrtare”, ndërsa Muharremi për veprën “Ndihma në kryerjen e veprës penale të keqpërdorimit të pozitës apo autoritetit zyrtar”.