Një shtyllë elektrike afër dy shtëpive në fshatin Belinc të Shtimes është gati të rrëzohet si pasojë e erërave të forta dhe reshjeve që kanë mbizotëruar dje e sot.
Një banor i këtij fshati i tha Klankosova.tv se për gjendjen e shtyllës e ka lajmëruar KEDS-in dhe policinë.
“Kjo është prej mbrëmë. E kam thirr KEDS-in, kam shkuar edhe në polici edhe në komunë të Shtimes”.
“Unë e kam në mes të oborrit, s’guxoj të dalë as në oborr. Në çdo moment pritet të bie”, tha ai për Klankosova.tv.
Tutje, ai u shpreh se tash e gati 16 orë janë pa energji elektrike, teksa shtoi se tek një komshi i tij, telat e rrymës kanë rënë në murin e oborrit.
“Tash e gati 16 orë jemi pa rrymë. Dy shtëpi jemi pa rrymë. Në shtëpinë e një komshiu telat e rrymës i kanë rënë në murin e oborrit, paraqet rrezik të madh për të gjithë”, tha ai.
