Shoqatat e dala nga lufta të Komunës së Istogut, me rastin e festës së 28 Nëntorit, Ditës së Flamurit dhe të Pavarësisë së Shqipërisë, kanë realizuar një vizitë përkujtimore në kompleksin e dëshmorëve në fshatin Vrellë të Istogut, shkruan GazetaDemos.
Gjatë kësaj vizite, përfaqësuesit e shoqatave vendosën lule të freskëta në 47 varret e dëshmorëve, duke nderuar me respekt dhe mirënjohje sakrificën e tyre për lirinë e vendit.
Në këtë aktivitet ishin të pranishëm edhe përfaqësues nga Komuna e Istogut, të cilët shprehën vlerësimin e institucioneve për kontributin e dëshmorëve dhe familjeve të tyre.