Shabani: Bizneset si KoBa janë dëshmi se Gjakova ka kapacitete të mëdha për zhvillim ekonomik

Kandidati i PDK-së për kryetar të Gjakovës, Ervin Shabani sot ka vizituar Zenun Bajrami, një ndërmarrës të suksesshëm i Gjakovës dhe pronar i biznesit KoBa, transmeton Demos.

“ Bizneset si KoBa janë frymëzim për gjeneratat e reja dhe dëshmi se Gjakova ka kapacitete të mëdha për zhvillim ekonomik e industrial.”, shkroi Shabani.

I plotë:

Me mikun tim Zenun Bajrami, një ndërmarrës i suksesshëm i Gjakovës dhe pronar i biznesit KoBa, i cili me punë dhe përkushtim ka arritur që 50% të prodhimit ta eksportojë jashtë vendit.

Zenuni është shembull i gjallë se si përmes vizionit, mundit dhe besimit në potencialin vendor, mund të krijohen vende pune, të zhvillohet ekonomia lokale dhe të promovohet Gjakova në tregjet ndërkombëtare.

Bizneset si KoBa janë frymëzim për gjeneratat e reja dhe dëshmi se Gjakova ka kapacitete të mëdha për zhvillim ekonomik e industrial.

#mamirëpërGjakovën

#PDK191