As në vazhdimin e seancës konstituive të shtunën paradite, Vetëvendosje nuk propozoi emër për kryekuvendar.
Këtë obligim, partisë së Albin Kurtit po i kërkohet ta kryejë shpejt dhe ta bëjë Kuvendin me kryesi të re.
Por, partitë tjera, pas përmbylljes së afatit 30-ditor të premten, deri kur parashihej se duhej të kryhej ky proces, kanë dilema.
Ata patën edhe kritika të shumta për Kurtin dhe partinë e tij.
Te kryetari i Kuvendit hiç, por kreu i partisë së parë sytë i ka kah një pozitë tjetër – Presidentin/en – pa marrëveshje për të cilën thotë se nuk e qet hapin.
Për ta arritur një ujdi për shefin e shtetit, një ditë më parë partitë në dialog, Vetëvendosje dhe Lidhja Demokratike e Kosovës, u deklaruan se janë larg marrëveshjes, për shkak të mospajtimeve në lidhje me atë se kush duhet ta mbajë këtë pozitë.
