Sadiku: Kurti po insiston në një figurë me pak peshë politike për president

Në emisionin “Jehona Politike” po diskutohet rreth takimit të mbajtur mes kreut të Lëvizjes Vetëvendosje, Albin Kurti, dhe kryetarit të Lidhjes Demokratike të Kosovës, Lumir Abdixhiku, ku është diskutuar emri i presidentit.

Lidhur me këtë çështje, gazetari Naim Sadiku tha se Kurti po insiston në një figurë e cila nuk ka shumë peshë politike.

“Kurti insiston në një figurë e cila nuk ka shumë peshë politike. Është një figurë që është shumë e moshuar sa i përket moshës dhe që, në njëfarë mënyre, konsiderohet një lloj pensionisti, për me e vendos edhe me marrë me të edhe të politikës së jashtme”, tha Sadiku.

Sipas tij, kampi i LDK-së po insiston në një figurë tjetër

“Ndërkaq kampi i LDK-së insiston në një figurë tjetër që është shumë, që insiston në një moshë të shtyrë”, u shpreh ai.Sadiku tha se nuk dëshiron ta paragjykojë moshën apo profilin e kandidatëve, duke theksuar se figura e propozuar nga Kurti mund të jetë e suksesshme në ushtrimin e detyrës.

“Unë s’po e paragjykoj as moshën, as profilin, por si kërkesë e Kurtit është pak a shumë insistimi i tij në këtë lloj profili. Ai mund të jetë shumë i suksesshëm në ushtrimin e detyrës”, deklaroi Sadiku.