Rrahje mes tre personave në Prishtinë, dy bëhen për spital

Një incident mes disa personave ka ndodhur dje në Prishtinë.

Sipas policisë, tre persona pas një mosmarrëveshje janë përfshirë në një rrahje.

Njërit prej të dyshuarve, i është konfiskuar edhe një pistoletë, njofton raporti 24 orësh i policisë.

Dy prej tyre për shkak të lëndimeve kanë pranuar trajtim mjekësor.

Me vendim të prokurorit rasti shkon në procedurë të rregullt dhe cilësohet si “Lëndim i lehtë trupor” dhe “armëmbajtje pa leje”.