Ditën e sotme, prokuroria Themelore në Prizren ka kryer një aksion mbi dyshimet për manipulim të votave, i cili ka rezultuar me 109 persona të ndaluar që kryesisht kanë shërbyer si komisionerë në numërimin e votave.
Lidhur me këtë, ka raportuar edhe Agjencia e njohur e lajmeve, Reuters. Në raportimin e kësaj të fundit, thuhet se, ky rast është parë si ‘’turp i madh’’ për Kosovën, si vend i ri, i cili edhe synon që të anëtarësohet në Bashkimin Evropian.
“Megjithatë, ato shihen si turp i madh për shtetin e ri që synon t’i bashkohet Bashkimit Evropian” , thuhet në raportimin e “Reuters”-it .
Nga Reuters theksohet edhe se, Komisioni Qendror i Zgjedhjeve, ka deklaruar se hetimet fillestare i kanë nisur dy javë më parë.
Raportimi i plotë:
Më shumë se 100 persona janë ndaluar nën dyshimin për manipulim të votave nga zgjedhjet e 28 dhjetorit në Kosovë, thanë prokurorët, mes hetimeve që kanë nxitur rinumërimin e votave dhe që mund të vonojnë formimin e një qeverie të re.
Hetimet nuk pritet ta përmbysin fitoren e partisë së kryeministrit në detyrë, Albin Kurti, pasi prokurorët thanë se të dyshuarit akuzohen për kalimin e votave mes kandidatëve brenda listave të të njëjtës parti – jo mes partive të ndryshme – sipas sistemit të përfaqësimit proporcional.
Megjithatë, ato u panë si një turp i madh për vendin e ri, i cili synon të anëtarësohet në Bashkimin Evropian.
Zyra e Kurtit nuk iu përgjigj menjëherë një kërkese për koment. Bedri Hamza, kreu i lëvizjes së dytë më të madhe në vend, Partisë Demokratike të Kosovës, i quajti mospërputhjet “thellësisht shqetësuese”.
Komisioni Qendror i Zgjedhjeve i Kosovës tha se kishte nisur hetimet fillestare dy javë më parë, pasi verifikimet e videove nga disa qendra numërimi treguan parregullsi.