Reshje lokale shiu paraqiten në pjesë të vendit ditën e diel, ndërkohë që nuk mungojnë as intervale me diell, pasi që erërat më të theksuara juglindore shpërndajnë vranësirat.
Frynë erë juglindore mesatare e mesatarisht e fuqishme 7-14m/s. Kushte të paqëndrueshme do të vazhdojnë edhe ditëve të para të javës së fundit të janarit.
Ditën e hënë të reshurat mund të jenë më të shtrira përgjatë territorit të vendit, e të martën më të lokalizuara. Të hënën madje aty këtu mund të shoqërohen me ndonjë bubullimë.
Temperaturat maksimale shkojnë deri në 10C e 11C të dielen, e deri të martën zbresin në 7C. Minimalet rriten në vlera pozitive, ndërmjet 2C e 5C. Ditën e mërkurë nuk paraqiten sinjale për të reshura, por do të ketë vransira e intervale me diell, njofton Mendimi për Motin.
