Ministrja në detyrë, Fitore Pacolli, ka njoftuar se Gjykata Themelore në Prishtinë ka vendosur masë sigurie për një hapësirë prej mbi 68 ari në zonën e Fakulteteve Teknike, për të cilën, sipas saj, kishte pasur përpjekje për tjetërsim.
Pacolli ka thënë se me këtë vendim po mbrohet prona publike e Universitetit të Prishtinës nga rreziku i tjetërsimit.
Ajo ka bërë të ditur se çështja ishte ngritur dhe trajtuar në kuadër të punës së Komisionit për Mjedis, Ushqim, Bujqësi, Planifikim dhe Zhvillim, të cilin e ka udhëhequr si kryetare.
