Raporton qytetari nga Gurakoci i Istogut: Më është djegur shtëpia dhe 10 hektarë grurë si pasojë e banderave të vjetër të rrymës

Një shtëpi dhe rreth 10 hektarë grurë raportohet të jenë djegur në fshatin Gurakoc të Komunës së Istogut. Kështu të paktën bën me dije lexuesi i GazetësDemos, i cili njoftoi se zjarri kishte kalpuar pronën e tij.

Sipas të njëjtit, zjarri ka ardhur si pasojë e energjisë elektrike, më saktësisht si rrjedhojë e vjetërsimit të banderëve të rrymës.

“Për shkak të banderave të rrymës të cilët janë të rrëzuar shumica, pasi janë të vjetër, rryma na dogji më shumë se 10 hektarë grurë, dhe bashkë me to edhe shtëpitë”, tha ai.

I dëmtuari po ashtu i tha Demosit se i ka telefonuar organet e rendit, nga të cilat shprehet se nuk ka gjetur ndihmë.

“Shteti nuk na ka dhënë asnjë përgjigje. E kemi lajmëruar me qindra herë Policinë, zjarrfikësit dhe asnjë ndihmë nga askush”, deklaroi i njëjti për GazetëDemos.

PAMJE: Momenti i zjarrit