GazetaDemos pak më parë ka raportuar rreth vdekjes së hershme të sekretarit të përgjithshëm të AAK-së, dega në Deçan, Rifat Stojkaj. Sipas burimeve, Stojkaj humbi jetën në mënyrë tragjike.
I njëjti gjatë momentit fatal për të ishte duke vozitur ku u vetaksidentua në LLoqan të komunës së Deçanit.
Lajmin e ka konfirmuar edhe Policia, ku u bë e ditur se drejtuesi kishte humbur kontrollin mbi veturën dhe ka rënë në një kanal në skaj të rrugës.
I njëjti është dërguar në Spitalin e Pejës, por fatkeqësisht aty ka ndërruar jetë.
“Rreth orës 01:40, policia është informuar për një vetaksident trafiku i cili ka ndodhur në fshatin Lloqan të Deçanit. Në këtë vetaksident ishte e përfshirё një veturë me targa vendore. Deri te vetaksidenti dyshohet se ka ardhur, deri sa drejtuesi i veturës humb kontrollin mbi veturën dhe bie nё njё kanal nё skaj tё rrugës”, njofton policia.
“Si pasojё e kёtij vetaksidenti njё person ka pёsuar lёndime trupore, i njëjti ёshtё dёrguar nё Spitalin rajonal nё Pejё, mirëpo aty ka ndёrruar jetё. Vdekja e tij ёshtё konstatuar nga mjeku kujdestar. Me urdhër të Prokurorit trupi i pajetë i viktimës dërgohet në Institutin e Mjekësisë Ligjore në Prishtinë, për Obduksion”.
