Naim Hajra ka reaguar publikisht pasi ka parë një rrugë në Kosovë që mban emrin e Dobrica Ćosićit, duke kërkuar largimin e menjëhershëm të tabelës dhe ndryshimin e emërtimit.
Në reagimin e tij, ai shprehet i habitur se si është e mundur që në Kosovë të ekzistojë një rrugë me emrin e një figure që konsiderohet nga shumë studiues dhe qytetarë si një prej ideologëve kryesorë të nacionalizmit serb.
“Emrat e rrugëve të Kosovës duhet t’i mbajnë ata që sakrifikuan për lirinë tonë, ata që e ngritën këtë vend me mund e me dashni, jo figura që për shumë qytetarë të Kosovës lidhen me ideologji që prodhuan urrejtje, shtypje dhe vuajtje”, shkruan ai.