Qindra protestues po qëndrojnë prej më shumë se një ore para objektit të EULEX-it në Prishtinë, në shenjë reagimi ndaj aktgjykimit ndaj ish-krerëve të UÇK-së.
Situata është tensionuar, ndërsa disa protestues kanë hedhur edhe gurë në drejtim të objektit të EULEX-it.
Gjatë edicionit special në Klan Kosova, moderatorja Jehona Gashi tha se, sipas burimeve të sigurta, punëtorët e EULEX-it janë udhëzuar që të punojnë nga shtëpia dhe se brenda objektit nuk ndodhet askush.
“Tash e sa ditë, punëtorët e EULEX-it janë udhëzuar që të punojnë nga shtëpia. Burime të sigurta thonë se askush nuk është brenda objektit të EULEX-it”, tha Gashi.
