Prokuroria në Mitrovicë interviston një grua të dyshuar për veprën penale mosdhënia e ndihmës

Prokuroria Themelore në Mitrovicë – Departamenti për Krime të Rënda njofton opinionin publik se është intervistuar një person me iniciale H.M.

Kjo për shkak të dyshimit të kryerjes së veprës penale “Mosdhënia e ndihmës“ nga neni 188 par.4 të Kodit Penal të Republikës së Kosovës.

Intervistimi i të dyshuarës H.M., ndërlidhet me rastin e datës 06 shtator 2026 ku në rrugën “Faruk Spahija” në Mitrovicë ka ndërruar jetë personi me iniciale L.S.

E dyshuara pas intervistimit është liruar në procedurë të rregullt, ndërsa rasti vazhdon të trajtohet.