Projekti për sheshin “Xhorxh Bush” pa leje, Çeku: Gjykata na dha të drejtë për herë të dytë

Sipas Çekut, gjykata ka refuzuar përsëri kërkesën e Komunës së Prishtinës për pezullimin e vendimit të Inspektoratit të Trashëgimisë Kulturore.

“Provuan një herë, dështuan. Provuan për së dyti, prapë e morën të njëjtën përgjigje nga gjykata: REFUZOHET si e pabazuar kërkesa e Komunës së Prishtinës,” ka shkruar Çeku në një postim publik.

Ai theksoi se bëhet fjalë për një projekt që ka shkelje të shumta ligjore dhe se Ministria ka qenë konsistente në qëndrimin e saj që nga fillimi.

“Nga fillimi ju kemi treguar që janë duke e shkelur ligjin me dy këmbë. Por ata vazhduan me qasjen e tyre shpërfillëse, e për më keq, na akuzuan për bllokim,” shtoi Çeku.