Pritje mbi 1 orë e kolona deri në 450 metra, gjendja aktuale nëpër pikëkalimet kufitare sot

Qendra Kombëtare për Menaxhim Kufitar ka bërë përditësimin e fundit rreth pritjeve nëpër pikëkalimet kufitare.

Sipas këtij përditësimi, pritjet më të gjata janë tek Dheu i Bardhë, Merdare si dhe në Mutivodë.

Kolona tek Dheu i Bardhë ka shkuar në 450 metra, teksa për të dalë nga Kosova përmes kësaj pike pritjet po zgjasin deri në 1 orë e 20 minuta.

Në Merdare pritjet janë 40 minuta, e kolona 300 metra, teksa në Mutivodë pritjet janë 30 minuta.

Nëpër pikat e tjera nuk ka fluks, dhe hyrje-daljet po realizohen nga 3 deri në 5 minuta.