Prattipati i shkon në zyre Osmanit, një ditë pasi Ambasada e ShBA-ve veprimet e VV-së i quajti përçarëse – Ja çka u diskutua

Presidentja e Kosovës, Vjosa Osmani, ka pritur sot në takim të ngarkuarën me punë të Shteteve të Bashkuara të Amerikës, Anu Prattipati.

Gjatë takimit, u diskutua për zhvillimet e fundit në vend, si dhe për procesin e zgjedhjeve të parakohshme më 28 dhjetor.

Presidentja theksoi rëndësinë e mbarëvajtjes së procesit zgjedhor dhe respektimit të standardeve më të larta demokratike, duke deklaruar se “Kosova tashmë është shembull” në këtë aspekt.

Në fokus të bisedës ishte edhe seanca e Komisionit për Punë të Jashtme të Dhomës së Përfaqësuesve të SHBA-së mbi zhvillimet në Kosovë dhe në rajon, si dhe çështje të ndryshme të bashkëpunimit bilateral.

Presidentja Osmani ritheksoi përkushtimin e saj për forcimin e partneritetit me aleatin strategjik, duke theksuar se “partneriteti me Shtetet e Bashkuara të Amerikës mbetet prioritet i lartë për Republikën e Kosovës”.

Postimi i plotë:

Presidentja Osmani priti në takim të ngarkuarën me punë të SHBA-ve, Anu Prattipati

Presidentja Vjosa Osmani ka pritur sot në takim të ngarkuarën me punë të SHBA-ve, znj. Anu Prattipati.

Në takimi u diskutua për zhvillimet e fundit në vend, si dhe për procesin e zgjedhjeve të parakohshme më 28 dhjetor. Presidentja theksoi rëndësinë e mbarëvajtjes së procesit zgjedhor dhe respektimit të standardeve më të larta demokratike, për çka Kosova tashmë është shembull.

Në takim u diskutua edhe për seancën e Komisionit për Punë të Jashtme të Dhomës së Përfaqësuesve të SHBA mbi zhvillimet në Kosovë dhe në rajon, si dhe u trajtuan gjithashtu edhe çështje të ndryshme të bashkëpunimit bilateral.

Presidentja Osmani ritheksoi përkushtimin e plotë për forcimin e partneritetit me aleatin më të rëndësishëm strategjik të Republikës së Kosovës, Shtetet e Bashkuara të Amerikës