Policia e Kosovës ka publikuar njoftim për kërkimin e Vezir (Ramush) Hazirajt, i lindur më 21 shtator 1997, i cili dyshohet se është i përfshirë në një rast të “vrasjes në tentativë”.
Sipas njoftimit të Policisë së Kosovës, ngjarja ka ndodhur më 7 gusht 2026, në fshatin Orrobërd-Istog. Policia bën të ditur se personi i dyshuar është i armatosur.
Policia u ka bërë thirrje qytetarëve që kanë ndonjë informacion lidhur me vendndodhjen e tij që të kontaktojnë autoritetet dhe të mos ndërmarrin veprime vetë, për shkak të rrezikut të mundshëm.
