Policia arreston një të dyshuar për disa raste të vjedhjeve në një market

Policia ka njoftuar se ka arrestuar në të dyshuar për disa raste të vjedhjeve në Prizren.

Rastet e vjedhjeve dyshohet se i ka kryer te i njëjti market, shkruan Reporteri.net.

“Me datën 18.09.2025, rreth orës 01:00, në rrugën “Tahir Sinani” në Prizren, konkretisht tek një market, një person i dyshuar kishte tentuar të kryente veprën penale ‘vjedhje e rëndë’. Në vendngjarje Policia ka siguruar prova materiale se i njëjti ka kryer edhe një vjedhje të mëhershme tek i njëjti market. Hetimet kanë konstatuar se i njëjti person dyshohet edhe për dy raste tjera të vjedhjeve të kryera më herët në një dyqan tjetër tregtar në Prizren. Pas intervistimit të të dyshuarit E. P. (mashkull), në praninë e avokatit mbrojtës, ai ka pranuar përfshirjen në rastet e mëposhtme: – vjedhje – me datën 11.09.2025, në rrugën “Ekrem Rexha” – Prizren, – vjedhje – me datën 16.09.2025, në rrugën “Ekrem Rexha” – Prizren, – vjedhje e rëndë në tentativë më datë 18.09.2025 dhe – posedim i paautorizuar i narkotikëve, substancave psikotrope ose analoge”, thuhet në njoftim.

Në njoftim thuhet se hetimet kanë vërtetuar gjithashtu se i dyshuari kishte urdhër arrest aktiv nga Gjykata Themelore në Ferizaj, për çka është njoftuar Stacioni Policor Ferizaj për veprimet e mëtutjeshme ligjore.