GazetaDemos mëngjesin e sotëm ka raportuar ekskluzivisht për gjuajtje me armë zjarri, të cilat janë dëgjuar rreth orës 00:15, në një lokal në rrugën “Luan Haradinaj” nё Deçan. Nga këto të shtëna, tre persona kanë mbetur të plagosur, teksa të njëjtat burime bëjnë me dije se bëhet fjalë për një person të nacionalitetit shqiptar, dhe dy të tjerë serbë.
GazetaDemos merr vesh se motivet e kësaj ngjarje dyshohet të jenë të momentit, aty për aty…
E gjithë ngjarja, sipas dëshmitarit të ngjarjes, dyshohet të ketë ndodhur për pak sekonda, teksa bëhet e ditur se i dyshuari për plagosjen e tre persona nuk kishte motive të mëhershme dhe e gjithë ngjarja rodhi në lokalin që të njëjti ishin prezent.
Në po të njëjtin lokal i cili është në afërsi të stacionit policor, ishte edhe një polic, i cili siç merr vesh GazetaDemos, ndërhyri në rast, me çrast arriti ta neutralizojë e më pas ta prangos të dyshuarin.
Pas neutralizimit e prangosjes në lokal, me njoftim të policit të lartëcekur, vjen një ekip policor, i cili në vazhdim merret me rastin.