Personi i kërkuar nga policia raportohet se është hedhur nga kati i katërt gjatë përpjekjes për t’i shpëtuar arrestimit – përfundon në QKUK

Raportohet në media se bëhet fjalë për Bilall Kqikun, i cili është i kërkuar nga Policia e Kosovës për shkak të një vrasjeje që ndodhi më herët këtë vit në Kolovicë të Prishtinës.

Sipas informacioneve paraprake, Kqiku dyshohet se tentoi të shmangë arrestimin nga autoritetet duke u hedhur nga kati i katërt.

Menjëherë pas incidentit, në vendngjarje kanë mbërritur autoambulanca dhe njësitë policore, që ndërhynë me urgjencë.

Nga Emergjenca e QKUK-së kanë konfirmuar se i dyshuari është duke u trajtuar nga ekipi mjekësor. “Po, aktualisht janë duke iu bërë ekzaminime mjekësore”, ka deklaruar Avdush Bajgora.