Me rastin e 27-vjetorit të rënies heroike të dëshmorëve nga fshati Baks i Komunës së Skenderajt, nesër, më 21 mars, do të organizohen homazhe dhe aktivitete përkujtimore.
Ceremonia do të mbahet në ora 12:00, pranë shtatores së dëshmorëve në Baks dhe Marinë, ku do të marrin pjesë familjarët e dëshmorëve, bashkëvendas, përfaqësues të institucioneve lokale dhe qytetarë të shumtë.
Njoftimi I plotë:
NJOFTIM
Me rastin e 27-vjetorit të rënies heroike të dëshmorëve të fshatit Baks nga Komuna e Skenderajt: Mësuesit Xhevat F. Osmani, Sejdi S. Osmani, Hysen A. Zeqiri, nesër më 21 Mars do të organizohen homazhe dhe përkujtim pranë shtatores së dëshmorëve në Baks dhe Marinë në ora 12:00 nga familjarët e dëshmorëve, bashkëvendas, instuticione lokale dhe qytetarë do të marrin pjesë në ndërim të dëshmorëve të rënë për lirinë e atdheut! Në këtë ditë të rëndësishme do të nderohen me respekt dhe mirënjohje të përjetshme për sakrificën dhe rezistencën e datës 21 Mars të vitit 1999. Kujtimi për dëshmoret e fshatit Baks mbetet i gjallë dhe do të jetojë gjithmonë në zemrat e familjarëve dhe në historinë e popullit shqipëtar! Lavdi e përjetshme të gjithë dëshmorëve të kombit!
