Një objekt është përfshirë nga flakët pasditen e sotme, rreth orës 15:00, në Rrugën B në Prishtinë.
Lajmin për Insajderin e ka konfirmuar zëdhënësi i Policisë së Kosovës, Enis Pllana, i cili bëri të ditur se nga ky incident nuk raportohet për persona të lënduar.
Pllana theksoi se Policia e Kosovës është duke u marrë me rastin dhe po kryen të gjitha procedurat e nevojshme.
“Sot rreth orës 15:00 kemi pranuar informatën për një incident zjarri në rrugën ‘B’ në Prishtinë, ku nga zjarri është përfshirë një objekt. Nuk raportohet për persona të lënduar, ndërkohë që policia po kryen procedurat e nevojshme lidhur me incidentin”, ka deklaruar Pllana.
