Përditësohet numërimi në Mitrovicë, kjo është gjendja pas afro 80% të kutive të numëruara

Komisioni Qendror i Zgjedhjeve i ka përditësuar të dhënat nga numërimi në Qendrën Komunale të Numërimit për komunën e Mitrovicës.

Sipas përditësimit të bërë në ora 22:45, kandidati i PDK-së për kryetar të Mitrovicës po vazhdon të prijë me 49.71 për qind nga 78.1 për qind e kutive të numëruara.

Në vendin e dytë është Faton Peci i Lëvizjes Vetëvendosje me 46.12 për qind, teksa në vendin e tretë është Gëzim Plakolli i LDK-së me vetëm 3.41%.

PDK-ja në Mitrovicë po prin edhe për sa i përket ulëseve në Kuvendin Komunal, ku nga 74.29 për qind e kutive të numëruara, aktualisht ka marrë 41.22 për qind.

Në vendin e dytë është Lëvizja Vetëvendosje me 22.56 për qind të ulëseve, teksa në vendin e tretë është LDK-ja me 12.16 për qind, e në të katërtin është Lista Guxo me 11.84 për qind.