Peja uragan përkrahjeje për Arbër Tolajn e AAK-në: Këtu nis çdo fitore e madhe

Peja sonte ka mirëpritur AAK-në dhe kandidatin për deputet në Kuvendin e Kosovës nga radhët e AAK-së, Arbër Tolaj i cili mban numrin 5 në listë.

Tolaj tha se nga ky takim me qytetarët morën vulën e fitores së Aleancës.

“Peja sonte nuk ishte thjesht një qytet që priti një tubim, ishte një uragan përkrahjeje, një dëshmi dashurie dhe një vulë e palëkundur për fitoren e AAK-së.

​Në çdo dorë të shtrënguar, në çdo buzëqeshje dhe në çdo thirrje për fitore, ndjeva forcën e një populli që nuk thyhet kurrë. Peja ka qenë gjithmonë shtëpia ime, shtëpia e AAK-së dhe kështjella ku nis çdo fitore e madhe e Kosovës”, tha ai.

Duka ia njohur mbështetjen, Tolaj lartësoi qytetin e Pejës, teksa shtoi se sonte më shumë se kurrë kishe kuptim motja e AAK-së “Krah teje”.

“Ju asnjëherë nuk më keni lënë vetëm, as mua, as vizionin tonë. ​Motoja jonë “Krah teje” sonte mori kuptimin më të plotë në Pejë.

Ne jemi rritur bashkë, kemi sfiduar çdo pengesë bashkë dhe sonte u betuam se do të vazhdojmë bashkë.

​Me këtë energji, me këtë besnikëri nga Peja, si dhe me këtë dashuri për vendin, fitorja nuk është vetëm synim është fakt! Faleminderit Pejë, që mbetesh shembulli i pathyeshëm i rreshtimit të drejtë!”, tha ndër tjera Tolaj.