Deputetja e PDK-së, Vlora Çitaku në një konferencë për media ka thënë se veprimet e partisë në pushtet në lidhje me çështjen e presidentit, përbëjnë dhunë politike.
Çitaku në një konferencë për media i ka bërë thirrje kandidates për presidente, Feride Rushiti që të tërhiqet nga kandidatura.
“Dua të apeloj tek partia në pushtet që t’i ndërpres këto veprime karateje të dhunës politike. Ky nuk është Kuvend i karatesë por institucion i të zgjedhurve të popullit.
Këto veprime janë sinjal i qartë janë sinjale të qarta se pushteti po vendoset mbi kushtetutën dhe këtë nuk do ta lejojmë, këtë së bashku me qytetarët e Kosovës do ta ndalojmë. I bëjmë thirrje zonjës Feride Rushti që të mos bëhet pjesë e maskaradës politike në Kuvendin e Kosovës, që emrin e saj mos ta huazojë për interesa politike e ditore të Albin Kurtit dhe ti kthehemi zgjedhjeve dhe dialogut politik”, tha Çitaku në një konferencë për media.
