Pas një aksidenti të rëndë, nxënësi Roel Berisha ka pësuar lëndime serioze në tru dhe i është nënshtruar një ndërhyrjeje të vështirë kirurgjikale në Turqi.
Sipas familjes, gjendja e tij shëndetësore tashmë është stabile, por rruga drejt rikuperimit mbetet e gjatë. Mjekët kanë planifikuar që pas rreth tre muajsh Roeli t’i nënshtrohet edhe një operimi tjetër, ndërsa deri atëherë dhe pas tij do të ketë nevojë për rehabilitim intensiv, fizioterapi dhe trajtime të specializuara jashtë vendit.
Kostoja e operimeve, trajtimeve mjekësore, rehabilitimit dhe udhëtimeve tejkalon mundësitë financiare të familjes. Për këtë arsye, familjarët u kanë bërë thirrje qytetarëve që, sipas mundësive, të kontribuojnë për ta ndihmuar Roelin në rrugën e tij drejt shërimit.
Njoftimi:
Pas një aksidenti të rëndë, nxënësi ynë, Roel Berisha, pësoi lëndime serioze në tru dhe iu nënshtrua një ndërhyrjeje të vështirë kirurgjikale në Turqi. Fatmirësisht, gjendja e tij tani është stabile, por rruga drejt shërimit është ende e gjatë. Sipas planit të mjekëve, pas rreth tre muajsh Roeli do t’i nënshtrohet edhe një operimi tjetër. Përveç kësaj, ai ka nevojë për rehabilitim intensiv, fizioterapi dhe trajtime të specializuara jashtë vendit, të cilat janë thelbësore për rikuperimin e tij. Kostoja e operimeve, trajtimeve, rehabilitimit dhe udhëtimeve është shumë e lartë dhe tejkalon mundësitë financiare të familjes. Prandaj, çdo ndihmë, sado e vogël, ka një vlerë të madhe dhe e afron Roelin një hap më pranë shërimit. Ju ftojmë të kontribuoni sipas mundësive tuaja dhe ta ndani këtë thirrje me të tjerët. Mbështetja dhe solidariteti juaj mund të bëjnë një ndryshim të madh në jetën e Roelit. Linku i fushatës GoFundMe, i krijuar nga prindërit e Roelit, është: https://www.gofundme.com/f/ndihmo-roelin-te-sherohet?attribution_id=sl:f8db4b49-b128-480f-8cd6-84d7051b0d5d&lang=de_DE&ts=1783418337&utm_campaign=man_ss_icons&utm_content=amp20_t1&utm_medium=customer&utm_source=copy_link
