Kabashi i LDK-së për VV-në: Ramës i thonë “tik-tak” në Facebook, por i ikin në debat

Festim Kabashi nga Lidhja Demokratike e Kosovës ka kritikuar zyrtarët e Lëvizjes Vetëvendosje, duke i akuzuar se po i shmangen përballjes në debat me kryetarin e Prishtinës, Përparim Rama.

Përmes një postimi në Facebook, Kabashi ka thënë se përfaqësuesit e VV-së e sulmojnë Ramën në rrjete sociale, por nuk pranojnë të përballen me të në debate publike.

“Perparim Rames ‘trimat e VV-së’ në Facebook po i thone tik-tak, por ne perballje me te po ikin”, ka shkruar ai.

Sipas Kabashit, një përballje e tillë është shmangur edhe sonte, ndonëse tema e diskutimit ishte rreziku i dështimit të organizimit të Lojërave Mesdhetare “Prishtina 2030”.

Reklamë

“Edhe sonte i paskan ik debatit, madje per nje teme shume te rendesishme. Per rrezikun e deshtimit te lojerave mesdhetare ‘Prishtina 2030’”, ka shkruar Kabashi.

Ai ka vazhduar kritikat ndaj VV-së, duke vënë në dyshim edhe aftësinë dhe vullnetin e zyrtarëve të saj për të punuar.

“Keta nuk e kanë veç per inat, por as nuk dijnë e as nuk dojnë me punu. Kaq e thjeshtë është”, ka përfunduar Kabashi.