Paris Guri: Studentët ende s’i kanë marrë 100 euro, dalin pak ditë para balotazhit

Para zgjedhjeve lokale të 12 tetorit, qeveria në detyrë e Kosovës ndau 26 milionë euro për studentët, duke thënë se secili prej tyre do të përfitojë 100 euro.

Për mosekzekutimin ende të këtyre 100 eurove, deputeti i LDK-së, Paris Guri, ka thënë se këto mjete do të dalin afër datës së raundit të dytë të zgjedhjeve.

“Qeveria ende nuk i ka ekzekutuar 100 eurot për studentët. Mbajeni në mend ato do të dalin pak ditë para balotazhit”, shkroi Guri me ironi në Facebook.

Qeveria vendimin e mori para 12 tetorit, por këto përfitime për studentët ende nuk janë ekzekutuar. Data e balatazhit është 9 nëntori.