Para seancës Fitore Pacolli thotë se është përballur me një “sulm”: Përsëri një burrë, ishte me një grua

Në një postim në Facebook, Pacolli ka përshkruar ngjarjen duke thënë se burri ishte i gjatë rreth 1.70 metra, bjond dhe i shoqëruar nga një grua. Ajo thotë se burri tentoi ta intimidojë, por u tërhoq sapo ajo u përball me të.

“Dhunuesit po marrin zemër nga dhunuesit. Isha vetëm. Po hyja në barnatore për të blerë barna, kur një ‘trim’ ndaloi, mendoi se do më frikësonte. Kur pa se nuk po trembem dhe po përballem me të, u largua,” ka shkruar ajo.

Deputetja shton se burri e nxori telefonin për ta filmuar, por ajo reagoi menjëherë: “I thashë: ‘Incizo? Paraqite veten si viktimë po deshe, sikurse ai dhunuesi i djeshëm’.”

Pacolli e përmbyll reagimin e saj duke thënë se “Kot e keni. Unë jam gru gur. Nuk mund të më lëkundni, e lëre më të më thyni.”