Një person ka humbur jetën dhe tre të tjerë janë lënduar si pasojë e një aksidenti të rëndë të trafikut që ka ndodhur mëngjesin e sotëm në fshatin Kliqinë, në magjistralen Pejë–Prishtinë. Në aksident janë përfshirë tri vetura, ndërsa rasti është raportuar në Polici rreth orës 05:00.
Lajmin e ka konfirmuar zëdhënësi i Policisë së Kosovës për rajonin e Pejës, Fadil Gashi, i cili tha se rasti është raportuar rreth orës 05:00.
“Rreth orës 5 të mëngjesit Policia është njoftuar për një aksident trafiku në fshatin Kliqinë, në magjistralën Pejë-Prishtinë. Në aksident janë të përfshira tri vetura. Katër persona kanë marrë lëndime, ku të njëjtit janë dërguar në Emergjencën e Spitalit Rajonal në Pejë. Por, njërit nga të lënduarit mjeku kujdestar në Emergjencë ia ka konfirmuar vdekjen. Në vendin e ngjarjes janë të gjitha njësitë kompetente policore”, ka thënë Gashi
