Njolla ngjyrë kafe gjithandej: Nis seanca ndaj Endrit Nikës – publikohen pamje nga dhoma ku dyshohet se ra argjentinasja

Në Gjykatën Themelore ka nisur seanca e radhës gjyqësore ndaj Endrit Nikës, i cili po akuzohet për vrasjen e të dashurës së tij, shtetases argjentinase M.K.U, që kishte ndodhur në një hotel në Fushë Kosovë.

Sipas aktakuzës së Prokurorisë, i akuzuari Endrit Nika, pas një mosmarrëveshjeje paraprake me viktimën, me dashje për ta privuar nga jeta, kishte nxjerrë kornizën e dritares dhe e kishte hedhur atë nga dritarja e dhomës së hotelit, nga kati i gjashtë.

Si pasojë, viktima kishte pësuar lëndime të rënda trupore dhe, pavarësisht trajtimit mjekësor, kishte ndërruar jetë në Qendrën Klinike Universitare të Kosovës (QKUK).

Prokuroria vazhdon të mbrojë qëndrimin se Endrit Nika e ka hedhur viktimën nga kati i gjashtë i hotelit, duke e cilësuar rastin si vrasje të kryer me dashje.

Për këtë në seancë janë publikuar pamje nga vendi i ngjarjes, ku në dhomën ku kishte qëndruar çifti u panë njolla ngjyrë kafe.