Gjykata Themelore në Pejë – Departamenti për Krime të Rënda, ka caktuar masën e paraburgimit prej një muaji ndaj të pandehurit me inicialet L.K., i dyshuar për veprën penale “blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
Vendimi është marrë nga gjyqtari i procedurës paraprake, Armend Lokaj, pas shqyrtimit të kërkesës së Prokurorisë Themelore në Pejë dhe mbajtjes së seancës dëgjimore më 7 prill 2026.
Sipas gjykatës, masa e paraburgimit do të zgjasë një muaj, duke filluar nga data e arrestimit më 5 prill 2026 në ora 17:04, deri më 5 maj 2026 në të njëjtën orë.
