Ka nisur sot rrënimi i shtëpisë në Rrugën A në Prishtinë, e cila ishte në prag të shembjes për shkak të rrëshqitjes së dheut.
Kreu i Komunës së Prishtinës, Përparim Rama, dje kishte dalë me një sqarim duke thënë se shtëpia ishte ndërtuar në tokë të komunës.
Rama gjithashtu i kishte bërë thirrje pronarit të shtëpisë që të mos e pengonte rrënimin
“Evakuimi i familjeve që banonin në këto objekte është bërë para 2 vitesh, për shkak të punimeve në “Rrugën A” dhe rrezikut të rrëshqitjes së dheut. Edhe pse këto objektet kanë qenë të ndërtuara pa leje në pronë komunale, Kryeqyteti ka paguar dhe vazhdon të paguaj shpenzimet e qirasë për familjet e evakuuara.
Lusim personin në fjalë që të mos rrezikojë jetën e tij dhe të ekipeve tona duke hyrë në këtë zonë, e cila mbetet e rrezikshme për shkak të punimeve dhe është pronë komunale”, kishte shkruar Rama dje.
