Nis mbledhja e Këshillit të Përgjithshëm të LVV-së

Me një orë vonesë, ka nisur mbledhja e Këshillit të Përgjithshëm të Lëvizjes Vetëvendosje.

Pjesëmarrësit u çuan në këmbë për ta pritur me duartrokitje kryetarin e partisë, kryeministrin Albin Kurti, i cili u fut në sallë rreth orës 13:00.

Mbledhja në hotel “Emerald” nisi me intonimin e himnit kombëtar.

Kurti, për këtë mbledhje partiake ka lajmëruar pas një takimi që pati dje me kreun e Partisë Demokratike, Bedri Hamzën.

Nuk dihet nëse do ta bëjë sot, por Kurti deklaroi se VV pritet të dalë shpejt me një propozim të kandidaturës për President të shtetit.