Një ngjarje tragjike ka ndodhur dje rreth orës 17:00 në rrugën “Faruk Rama” në Prishtinë, pasi një punëtor humbi jetën tragjikisht në vendin e punës, raporton GazetaDemos.
Siç mori vesh GazetaDemos nga burimet e veta, i ndjeri është veterani i UÇK-së, Bashkim Nitaj nga Dranoci i Deçanit.
Policia e Kosovës sot ka dalë me detaje të reja ku bëhet e ditur se kolegu i viktimës humbi ndjenjat nga tronditja dhe jo për shkak të lëndimeve.
Sipas raportit policor, ngjarja është cilësuar si “Asgjësim, dëmtim ose heqje e pajisjeve mbrojtëse, rrezikim i sigurisë në vendin e punës”.
“Prishtinë 21.11.2025 – 17:00. Raportohet se në vendin e tij të punës viktima mashkull kosovar, kishte pësuar lëndime trupore dhe si pasojë ka vdekur, ndërsa kolegu i tij nga ngjarja që kishte pasur kishte humbur ndjenjat dhe është dërguar në QKUK për tretman mjekësor. Trupin e pa jetë nga vendin i ngjarjes e ka tërhequr IML. Rasti është duke u hetuar”, tha policia.
