Nga Gjermania në Itali për ta grabitur picerinë, arrestohet 34-vjeçari shqiptar

Një tentativë për vjedhje me thyerje gjatë natës në Rovato të Italisë, përfundoi me arrestimin e një 32-vjeçari shqiptar të dyshuar për krimin, falë ndërhyrjes së karabinierëve.

Ngjarja ka ndodhur rreth orës 4:30 të mëngjesit të 7 shkurtit, kur një patrullë nga Njësia e Chiari, duke kaluar përgjatë ‘Via Galdina’, vuri re një burrë të veshur tërësisht me të zeza dhe me fytyrë të mbuluar, duke u përpjekur të hapte me forcë derën e përparme të picerisë “Amici”.

Me të parë oficerët, burri u përpoq të ikte në këmbë, por karabinierët e kapën shpejt dhe e arrestuan pas një ndjekjeje të shkurtër.

Gjatë një kontrolli personal, u gjet dhe u sekuestrua mjeti i vjedhjes që ishte përdorur për të thyer derën me forcë.

Identiteti i 32-vjeçarit u konfirmua si B.E., një shqiptar me banim në Këln të Gjermanisë dhe me precedentë penalë.

Falë raportimit të shpejtë nga pronari i picerisë dhe analizës së videos së kamerave të sigurisë, e cila kapi sulmuesin duke u përpjekur të hynte në lokal, ai u arrestua me akuzën e tentativës së grabitjes.