Nga diell në rrufe e shi, mot i paparashikueshëm javës që vjen

Instituti Hidrometeorologjik i Kosovës ka bërë të ditur se java e ardhshme do të karakterizohet nga kushte të paqëndrueshme meteorologjike.

Sipas njoftimit, dy ditët e para të javës pritet të jenë me mot stabil, ndërsa nga e mërkura parashikohen reshje shiu dhe ndryshime të motit.

Temperaturat minimale do të lëvizin ndërmjet 8 dhe 16 gradë Celsius, ndërsa ato maksimale pritet të jenë nga 22 deri në 33 gradë Celsius.

Moti i plotë për pesë ditët e javës së ardhshme:

E hënë Moti me diell dhe vranësira të shpërndara.

E martë Moti me diell dhe vranësira të pjesshme.

E mërkurë Moti me diell dhe vranësira të pakta. Vranësirat parashihen të sjellin reshje shiu dhe shkarkime rrufesh.

E enjte Moti me diell dhe vranësira të pjesshme. Vranësirat gjatë pjesës së dytë kryesisht parashihen të sjellin riga lokale shiu.

E premte Mot me diell dhe vranësira të shpërndara, të cilat do të jenë të fokusuara rreth relievit malor.