Ndalohen për 48 orë 4 persona në Gjakovë, iu gjet heroinë e kokainë pas bastisjeve, u sekuestran edhe para e armë

Prokuroria Themelore në Gjakovë ka njoftuar se me vendim të Prokurorit të Shtetit, janë ndaluar për 48 orë katër persona, me inicialet M.K., V.K., Z.Z., dhe M.K., për shkak të veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Prokuroria tha se ka ndërmarrë veprime hetimore, duke zbatuar edhe masat e veçanta hetimore ndaj të dyshuarve.

Sipas kërkesës së Prokurorisë Themelore në Gjakovë dhe me urdhëresë të Gjykatës Themelore në Gjakovë, sot më datë 05.06.2026, ka realizuar bastisje në shtëpitë dhe lokalet përcjellëse të disa personave të dyshuar në qytetin e Gjakovës.

Gjatë bastisjes në cilësinë e provave materiale janë sekuestruar:

Substancë e dyshuar narkotike e llojit Kokainë në peshë rreth 293.96 gram,

Substancë e dyshuar narkotike e llojit Heroinë në peshë rreth 124 gram,

Substancë e dyshuar narkotike e llojit Marihuanë në peshë rreth 13 gram,

Substancë e dyshuar narkotike (lloji i panjohur) në peshë rreth 116 gram,

Një (1) armë zjarri e shkurtë me dy fishekë,

Advertisement Një (1) pushkë ajrore pa numër serik,

90 fishekë kalibër të ndryshëm,

Para të gatshme në shumë 6536.76 Euro, 474 dollar amerikan, dhe 60 franga zvicerane,

Pesë (5) telefona mobil të llojeve të ndryshëm.

Prokuroria Themelore në Gjakovë tha se ndaj të pandehurve M.K.,V.K.,Z.Z., dhe M.K., brenda afatit ligjor, do të paraqesë kërkesë për caktimin e masës së paraburgimit në Gjykatën kompetente.

Prokuroria Themelore në Gjakovë tha se “është e përkushtuar në luftimin e veprave penale që lidhen me narkotikët, mbrojtjen e shëndetit publik dhe sjelljen para drejtësisë të personave të përfshirë në veprimtari të kundërligjshme”.