Mulhaxha Kollçaku: Subvencionimi i faturave të rrymës mund të shkojë deri në 50 euro në muaj

Fatmire Mulhaxha Kollçaku, deputete e LVV-së, foli për programin e subvencionimin e faturave të energjisë elektrike për familjet me gjendje të rëndë ekonomike.

Në seancën e Kuvendit, tha se “pikërisht për këto familje, qeveria ka miratuar programin e subvencionimin e faturave të energjisë elektrike, për çka janë planifikuar rreth 15 milionë euro”.

“Ky vendim është pjesë e politikës sonë qeverisëse, t’i përdorim mjetet publike për t’ju lehtësuar jetën qytetarëve duke u dhënë përparësi atyre që kanë më shumë nevojë”, u shpreh Mulhaxha Kollçaku.

Ajo tha se subvencionimi mund të shkojë deri në 50 euro në muaj.