“Mos më kap me dorë se ta mbështjell mirë, legen…”, deputeti i PD-së Luçiano Boçi përplaset me policinë në Theth

Deputeti i Partisë Demokratike të qarkut Shkodër, Luçiano Boçi është përplasur me efektivët e policisë në Theth, ku bashkë me deputetin e PD-së, Bardh Spahija, ka shkuar për të mbështetur banorët që kundërshtojnë prishjen e ndërtimeve në fshat.

Në një video të publikuar, shihet teksa deputeti i zgjedhur demokrat përleshet edhe me një person, i cili prezantohet se është drejtori i Policisë së Shkodrës, Fatmir Lleshaj.

“Çfarë drejtori je ti? Ku e ke bexhin”, dëgjohet t’i thotë Boçi.

“Mos më kap me dorë se ta mbështjell mirë, legen m….”, i tha deputeti i zgjedhur një tjetër efektivi.

“E mendove mirë që më preke?”. “O trim hajde një minutë”, i tha Boçi, Lleshajt.